Мизхәт Хәбибуллин
Мизхәт Хәбибуллин

 

* * *

	
Ник әйттең соң:
	«Сине,— дип,— 
Кояшка тиңләп сөйдем». 
Әллә ничек булып китте, 
Нигәдер башны идем. 
Мин кояшка тиң түгелдер, 
Юк гел балкып торганым. 
Килмәгән җирләрем күптер, 
Нигә шулай зурладың? 
Була бит, була йөземнең 
Күләгәле чагы да. 
Еш кына анда тормышның 
Кырыслыгы чагыла. 
Дөньяны да, тормышны да 
Килми ләкин сүгәсем. 
Әллә нинди җилләрдә дә 
Юктыр минем сүнәсем. 
«Кояшка тиңләп сөйдем»,— дип, 
Бик зурладың син мине. 
Тик мине түгел, кояшка 
Тиңлә минем сөюне...

 
Blog Division
Хостинг от uCoz