Мизхәт Хәбибуллин
Мизхәт Хәбибуллин

 

ЯЛГЫШУ

	
Сине түгел,
	мәхәббәтне уйлыйм. 
Мәхәббәттә синең сурәтең. 
Ул бит бары сиңа
		охшап килгән, 
Үпкәләмим аңа, сүз әйтмим. 
Ул бит безне изге
		ният белән 
Кавыштырган...
	ләкин ялгышкан. 
Ялгышкан ул синдә...
		Ә шулай да,
Өлеш чыккан миңа сагыштан. 
Мәхәббәт ул, синдә
		тугрылыкның
Алиһәсен күреп, ялгышкан. 
Ялгышкан да, үзе
		минем кебек, 
Айный алмый йөри сагыштан...

 
Blog Division
Хостинг от uCoz