ҖӘЛИЛ
Аның исеме үзе җырлый кебек
Ирек сөйгән җанның бөеклеген.
Йөрәкләрдә яши бер идеал —
Җәлил тавы... Җәлил биеклеге.
Таш кыяны кисен үскән гөлләр
Сөйләмиме яшәү матурлыгын!
Раслап тора шуны бар дөньяга
Җәлил рухы... Җәлил батырлыгы.
Тез чүкмәскә авыр тоткынлыкта!
Таралмасын илнең яманаты!
Чакыру маршы булып яңгырап тора
Җәлил моңы... Җәлил әманәте.
Талпындыра хыял канатларын
Ерак юфыкларның кызыллыгы...
Бардыр кебек күктә бер йолдызлык,
Җәлил күге... Җәлил йолдызлыгы.
Кан эчкәндә заман вәхшиләре,
Сыналалар антлар тугрылыгы,
Агу булсын дошман йөрәгенә
Җәлил аңы, Җәлил горурлыгы.
