Мизхәт Хәбибуллин
Мизхәт Хәбибуллин

 

ЯВЫЗ ИВАН



...Тарих төпкеленнән 
Бармак яный сыман. 
Канлы кузе белән 
Безгә карый сыман.

Кансыз башкисәрләр 
Санын барлый сыман, 
Һәм аларны төкерек 
Чәчеп каргый сыман.

Сорый сыман: "Җирдә 
Ничә татар калган? 
Чукынмаган татар 
Ничә камчы алган?

Кычкыра күк ярсып,
 Хәле бетә-бетә: 
Нигә онытылмый 
Горур Сөембикә?..

Эчсеннәр, дип, тизрәк 
Соңгы татар канын, 
Җибәрә күк бәйдән 
Ач этләрнең барын.

...Тарих төпкеленнән 
Бармак яный сыман, 
Исән кебек, исән, 
Әл дә Явыз Иван.

 
Blog Division
Хостинг от uCoz